Sjálfboðaliðaferð júlí - ágúst 2012
Fyrirhuguð er sjálfboðaliðaferð ungs fólks á aldrinum 20 til 25 ára í júlí og ágúst til Indlands og Kenía. Í ferðinni er lögð áhersla á að þátttakendur kynnast landi og þjóð um leið og þeir taka þátt í verkefnum Vina Indlands og Vina Kenía sem unnin eru í samvinnu við þarlenda sjálfboðaliða. Á meðal verkefna sem unnin eru:
Að auki verður fræðst um menningu hindúa á Indlandi, þjóðgarðar Kenía heimsóttir, siglt út á Viktoríuvatnið o.fl. Sjálfboðliðarnir sitja margþætt námskeið, alls 30 klukkustundir, áður en lagt er af stað þar sem fræðst er um verkefnin og grundvöll starfsins. Næsta námskeið: 19. og 20. maí, í Múltikúlti - Barónsstíg 3, frá kl. 10.00-15.00, báða dagana. Ferðin kostar 390.000 krónur og felur sú greiðsla í sér 2 námskeið og aðra undirbúningsfundi sem nauðsynlegir eru vegna ferðarinnar, flugferðir, gistingu, akstur til og frá helstu stöðum þar sem unnið er að verkefnum, vegabréfsáritanir til Indlands og Kenía, morgunverð þegar gist er á hótelum, mat á stöðum þar sem verkefnin eru unnin, inngangseyri fyrir þjóðgarð og bátsferð á Viktoríuvatnið. Auk þess leggur Múltikúlti til tengingar við samstarfsaðila í Indlandi og Kenía og aðkomu að verkefnum þar. Ekki er innifalið: Bólusetning, matur í fríum (utan morgunverðar á hótelum), aðrar samgöngur, vasapeningar. Hægt er að lesa blogg frá ferð sjálfboðaliða frá því nú í janúar/febrúar 2011 hér: http://www.herdisgunnars.blogspot.com/ og http://harpaberg.blogspot.com/ og http://agnesogarni.blogcentral.is/ og http://tarabrynjars.blogcentral.is/ |
|
||||||||||||||||||||||||||||
